يف تحترم الاخرين حتى يحترموك (ارجو
المشاركه)
--------------------------------------------------------------------------------
السلام عليكم
قبل كل شي اشكر القايمين على الموقع وجميع الاعضاء
وحقيقة احس ان هذا الموقع قدملي الكثير
حتى ان مستواي في الكتابه بدا يتحسن
وهذا المشاركة اتمنى انها تعجبكم
من خلال تجربتي القصيره في هذا الموقع لاحظت بعض الملاحظات
وهي تنحصر في احترام الاخرين حتى يحترموك
وكل هذي الملاحظات استنتجتها من خلال مشاركتي في الحوارات في الموقع
واتوقع ان بعض الشباب تكلمو فيها وناقشوها
بس حاب اعرظها من وجهت نظري وااكد عليها حتى نرتقي باسلوبنا في النقاش
وهذي القظيه اشوفها مهمه وحساسه واجد
وتترتب عليها كثير من مناقشاتنا في هذا الموقع
وانا حطيت هذي الملاحظات على شكل نقاط ويمكن كل واحد يظيف او يصحح او يعارظ
على راحته
والنقاط شويه طويله بس ارجو انكم تكملو للاخر
والان مع النقاط
1
احترم الاخرين حتى يحترموك
اجعل هذي قاعده في نقاشاتك
ما سمعت الشاعر ايش قال:
ومن هاب الرجال تهيبوه.... ومن حقر الرجال فلن يهاب
يعني من احترم الرجال احترموه ومن حقرهم حقروه
واحترام الاخرين ما يمنع انك تخالفهم في الراي
بعض الناس يتصور ان هذا مخالفني يعني ما يحترمني
وهذا خطأ طبعا لان الاختلاف شي والاحترام شي ثاني
ولازم ما نخلط فيما بينهن
واذكر ان الاخ محب الخير قال: الاختلاف في الراي لا يفسد للود قظيه
خلونا نختلف بس يسود بينا الاحترام
2
عشان تحترم الاخرين ويحترموك ما تذكر كلام يجرحهم
يعني السب والشتم وغيره من الكلام يجرح شعور الاخرين
فاي شخص تجرحه بالكلام اكيد انه ما رايح يحترمك او يسمعك
خلي كلامك بعيد عن الكلام الجارح
لان الانسان الخلوق يرفض هذا الطبع
ولانه ما يولد غير الكره والبغظ
وفي حالات كثيره ما يخدم الموظوع
وفق هذا هو بعيد عن اخلاق الاسلام
وصفات سيدنا محمد صلى الله عليه وسلم
عشان كذاك خلي كلامك خالي من الالفاظ الجارحه
ما مشكله شد في الكلام وانتصر لرايك بشده وكلمات قويه
بس بدون كلام جارح او تجريح
3
حتى يحترمك الاخرين لا تتدخل في خصوصياتهم ولا تدخل الامور الشخصيه
يعني خلي الكلام يدور حول نقاط النقاش كما قال وادي فدا بدون شخصنه الموظوع
ما تسير بعيد وتذكر خصوصيات الاشخاص او تدخل امور شخصيه
وانه هذا صفاته كذا وافعاله كذا واقواله كذا....
ربما بدون ما نشعر ندخل على الغيبه والنميمه وحنا ما نحس
لاحظت في واحد من النقاشات انه شخص قال عن شخص انه يمشى على عقول الاخرين
وما يخلي هعقله نصيب من التفكير
هذا الكلام ما يرضاه الواحد لنفسه فلازم ما يرضاه لغيره
وفيه تدخل في خصوصيات الاخرين
واتصور ان اللي قال هذا اكلام لو حد قاله نفس الكلام ما يرظى ويعصب
عشان كذاك مفروض ما ترظاه لغيرك
كذاك ما تدخل الامور الشخصيه في النقاش
فلو كان بينك وبين واحد تعرفه خلاف ودار بينكم نقاش في الموقع
لا تخلي الخلافات الشخصيه تتدخل وتفقد المصداقيه
وهذي النقطه اشوف الشباب متفهمينها زين في نقاشهم
بس حبيت ااكد عليها لانها جات على طاري الخصوصيه
4
عشان يحترمك الاخرين حط في بالك لما تناقش اي واحد انه ربما يكون اكبر عنك
او اعلم عنك او على الاقل مثلك في المستوى
وهذا مهم جدا حتى يحترمك الاخرين
وحتى لو كان اللي يناقشك اقل عنك حسب ما تفهم من نقاشه
لكن خليك دايما متصور انه مثلك او احسن عنك وكذاك يحترمك
للاسف اغلب الشباب يحطو في بالهم ان اللي يناقشهم اقل عنهم
وانه ما فاهم شي ويتكلمو بهذا الكلام للذي يناقشهم
وهذا سبب الخلافات بين المتناقشين
فعشان تتجنب هذا حط في بالك دايما ان اللي يناقشك مثلك او اعلى عنك
عشان تحترمه وبالتالي يحترمك
ورحم الله رجلا عرف قدر نفسه
5
حتى يحترمك الاخرين اذا تبينلك انك غلطان في اي مرحله من النقاش
ما عليك الا تتراجع عن رايك
يتصور البعض ان لو تراجع يعني انه ظعيف
وان اشوفه العكس اللي يتراجع هو القوي
والتراجع ما فيه عيب او منقصه
على العكس هو التصرف الصحيح
وتكبر في عين الشخص الثاني
وكفايه ان الله سبحانه وتعالى قال في كتابه العزيز (والذين اذا فعلوا فاحشة
او ظلموا انفسهم ذكروا الله فاستغفروا لذنوبهم ومن يغفر الذنوب الا الله
ولم يصروا على ما فعلوا وهم يعلمون)
ما سمعت اللي قال: ما مشلكه الخطأ لكن المشكله اصرار على الخطأ
واذكر نماذج عجبتني اطلعت عليها في نقاشات سابقه
مثلا الاخ وادي فدا تراجع في واحد من المواظيع
ونفس الشي حصل عن الاخ محب الخير
وانا نفسي تراجعت في واحد من المواظيع
هذي كلها كما يقولو اعراض صحيه
وهو التصرف الصحيح والسليم
6
حتى يحترمك الاخرين لا تعطى الكلام اكثر من حجمه
يعني ما تكبر الكلام وتخلي من الحبه قبه
الاحظ مثل بعض الشباب يفسر كلام الاخرين تفسير بعيد
قد يكون ما قاصدنه هذا الشخص ولا جاي على باله
في هذي الحاله نكون جنينا عليه وتقولنا عليه
وبعضهم يكبرو الموظوع ويعطوه اكبر من حجمه وهوه ما مستاهل
طبعا هذا يؤثر على نفسيه الشخص ويخليه ما يحترمك
عشان تكون واقعي خذ الكلام على ظاهره
وما تعطاه اكثر من حجمه
وحط في بالك ان اللي جالس يناقشك نيته صافيه
واذا التبس عليك شي اطلب منه التوضيح
طبعا كل هذا بكلام هادي بدون تعصيب
هذي بعض الملاحظات اللي لاحظتها حبيت انبه عليها
واذا حد عنده اظافه والا تعديل فانا ارحب بكل واحد
ومنكم العفو السموحه
__________________
المشاركه)
--------------------------------------------------------------------------------
السلام عليكم
قبل كل شي اشكر القايمين على الموقع وجميع الاعضاء
وحقيقة احس ان هذا الموقع قدملي الكثير
حتى ان مستواي في الكتابه بدا يتحسن
وهذا المشاركة اتمنى انها تعجبكم
من خلال تجربتي القصيره في هذا الموقع لاحظت بعض الملاحظات
وهي تنحصر في احترام الاخرين حتى يحترموك
وكل هذي الملاحظات استنتجتها من خلال مشاركتي في الحوارات في الموقع
واتوقع ان بعض الشباب تكلمو فيها وناقشوها
بس حاب اعرظها من وجهت نظري وااكد عليها حتى نرتقي باسلوبنا في النقاش
وهذي القظيه اشوفها مهمه وحساسه واجد
وتترتب عليها كثير من مناقشاتنا في هذا الموقع
وانا حطيت هذي الملاحظات على شكل نقاط ويمكن كل واحد يظيف او يصحح او يعارظ
على راحته
والنقاط شويه طويله بس ارجو انكم تكملو للاخر
والان مع النقاط
1
احترم الاخرين حتى يحترموك
اجعل هذي قاعده في نقاشاتك
ما سمعت الشاعر ايش قال:
ومن هاب الرجال تهيبوه.... ومن حقر الرجال فلن يهاب
يعني من احترم الرجال احترموه ومن حقرهم حقروه
واحترام الاخرين ما يمنع انك تخالفهم في الراي
بعض الناس يتصور ان هذا مخالفني يعني ما يحترمني
وهذا خطأ طبعا لان الاختلاف شي والاحترام شي ثاني
ولازم ما نخلط فيما بينهن
واذكر ان الاخ محب الخير قال: الاختلاف في الراي لا يفسد للود قظيه
خلونا نختلف بس يسود بينا الاحترام
2
عشان تحترم الاخرين ويحترموك ما تذكر كلام يجرحهم
يعني السب والشتم وغيره من الكلام يجرح شعور الاخرين
فاي شخص تجرحه بالكلام اكيد انه ما رايح يحترمك او يسمعك
خلي كلامك بعيد عن الكلام الجارح
لان الانسان الخلوق يرفض هذا الطبع
ولانه ما يولد غير الكره والبغظ
وفي حالات كثيره ما يخدم الموظوع
وفق هذا هو بعيد عن اخلاق الاسلام
وصفات سيدنا محمد صلى الله عليه وسلم
عشان كذاك خلي كلامك خالي من الالفاظ الجارحه
ما مشكله شد في الكلام وانتصر لرايك بشده وكلمات قويه
بس بدون كلام جارح او تجريح
3
حتى يحترمك الاخرين لا تتدخل في خصوصياتهم ولا تدخل الامور الشخصيه
يعني خلي الكلام يدور حول نقاط النقاش كما قال وادي فدا بدون شخصنه الموظوع
ما تسير بعيد وتذكر خصوصيات الاشخاص او تدخل امور شخصيه
وانه هذا صفاته كذا وافعاله كذا واقواله كذا....
ربما بدون ما نشعر ندخل على الغيبه والنميمه وحنا ما نحس
لاحظت في واحد من النقاشات انه شخص قال عن شخص انه يمشى على عقول الاخرين
وما يخلي هعقله نصيب من التفكير
هذا الكلام ما يرضاه الواحد لنفسه فلازم ما يرضاه لغيره
وفيه تدخل في خصوصيات الاخرين
واتصور ان اللي قال هذا اكلام لو حد قاله نفس الكلام ما يرظى ويعصب
عشان كذاك مفروض ما ترظاه لغيرك
كذاك ما تدخل الامور الشخصيه في النقاش
فلو كان بينك وبين واحد تعرفه خلاف ودار بينكم نقاش في الموقع
لا تخلي الخلافات الشخصيه تتدخل وتفقد المصداقيه
وهذي النقطه اشوف الشباب متفهمينها زين في نقاشهم
بس حبيت ااكد عليها لانها جات على طاري الخصوصيه
4
عشان يحترمك الاخرين حط في بالك لما تناقش اي واحد انه ربما يكون اكبر عنك
او اعلم عنك او على الاقل مثلك في المستوى
وهذا مهم جدا حتى يحترمك الاخرين
وحتى لو كان اللي يناقشك اقل عنك حسب ما تفهم من نقاشه
لكن خليك دايما متصور انه مثلك او احسن عنك وكذاك يحترمك
للاسف اغلب الشباب يحطو في بالهم ان اللي يناقشهم اقل عنهم
وانه ما فاهم شي ويتكلمو بهذا الكلام للذي يناقشهم
وهذا سبب الخلافات بين المتناقشين
فعشان تتجنب هذا حط في بالك دايما ان اللي يناقشك مثلك او اعلى عنك
عشان تحترمه وبالتالي يحترمك
ورحم الله رجلا عرف قدر نفسه
5
حتى يحترمك الاخرين اذا تبينلك انك غلطان في اي مرحله من النقاش
ما عليك الا تتراجع عن رايك
يتصور البعض ان لو تراجع يعني انه ظعيف
وان اشوفه العكس اللي يتراجع هو القوي
والتراجع ما فيه عيب او منقصه
على العكس هو التصرف الصحيح
وتكبر في عين الشخص الثاني
وكفايه ان الله سبحانه وتعالى قال في كتابه العزيز (والذين اذا فعلوا فاحشة
او ظلموا انفسهم ذكروا الله فاستغفروا لذنوبهم ومن يغفر الذنوب الا الله
ولم يصروا على ما فعلوا وهم يعلمون)
ما سمعت اللي قال: ما مشلكه الخطأ لكن المشكله اصرار على الخطأ
واذكر نماذج عجبتني اطلعت عليها في نقاشات سابقه
مثلا الاخ وادي فدا تراجع في واحد من المواظيع
ونفس الشي حصل عن الاخ محب الخير
وانا نفسي تراجعت في واحد من المواظيع
هذي كلها كما يقولو اعراض صحيه
وهو التصرف الصحيح والسليم
6
حتى يحترمك الاخرين لا تعطى الكلام اكثر من حجمه
يعني ما تكبر الكلام وتخلي من الحبه قبه
الاحظ مثل بعض الشباب يفسر كلام الاخرين تفسير بعيد
قد يكون ما قاصدنه هذا الشخص ولا جاي على باله
في هذي الحاله نكون جنينا عليه وتقولنا عليه
وبعضهم يكبرو الموظوع ويعطوه اكبر من حجمه وهوه ما مستاهل
طبعا هذا يؤثر على نفسيه الشخص ويخليه ما يحترمك
عشان تكون واقعي خذ الكلام على ظاهره
وما تعطاه اكثر من حجمه
وحط في بالك ان اللي جالس يناقشك نيته صافيه
واذا التبس عليك شي اطلب منه التوضيح
طبعا كل هذا بكلام هادي بدون تعصيب
هذي بعض الملاحظات اللي لاحظتها حبيت انبه عليها
واذا حد عنده اظافه والا تعديل فانا ارحب بكل واحد
ومنكم العفو السموحه
__________________
